Streameri i njohur Ninja thotë se Overwatch është “i vdekur”, pas shpalljes së video-lojës, Marvel Rivals.
Video-loja Marvel Rivals frymëzohet pikërisht prej Overwatch, si nga mënyra se si janë dizajnuar personazhet, ashtu edhe nga mënyra se si funksionojnë ndeshjet.
Si rezultat, shumë fansa të Overwatch kanë vendosur të ndryshojnë kamp dhe të kalojnë tek Marvel Rivals, duke çuar në një numër rekord të ulët lojtarësh në Overwatch.
Duke komentuar këtë fenomen në një stream të fundit, ylli i streamingut, Ninja thotë se Overwatch është “i vdekur” dhe një e kaluara, pasi studioja NetEase tashmë ka mjaft materiale për të mbuluar dekadën e ardhshme të përmbajtjes në Marvel Rivals.
Zhvilluesit e Marvel Rivals kanë konfirmuar tashmë se planifikojnë të publikojnë heronj të rinj çdo gjashtë javë ose diçka të ngjashme.
Kjo do ta bëjë rosterin e heronjve më të madh se video-lojërat rivale pas disa viteve, ndërkohë që Blizzard shton heronj çdo dy sezone.
Ninja gjithashtu thekson se NetEase ka një burim të pasur materiali nga i cili mund të nxjerrë përmbajtje për video-lojën e saj, bazuar në komikët nga të cilët vijnë personazhet e Marvel.
Nga ana tjetër, Overwatch duhet të krijojë personazhet e tij nga e para, duke përfshirë mitologjinë dhe aftësitë e tyre.
Burimi: botasot.info
