Nigeri, ushtria shpëton 26 punonjës humanitarë nga Boko Haram

Ushtria nigeriane ka shpëtuar 26 punonjës humanitarë të cilët ishin rrëmbyer nga terroristët e Boko Haram-it në verilindje të vendit, transmeton Anadolu Agency (AA).

Pjesëtarët e Boko Haram-it sulmuan të hënën qarkun e qytetit Dikwa në shtetin Borno rreth orës 18:30 sipas kohës lokale.

Pas sulmit, ushtria nisi një operacion kundër terroristëve, njoftuan mediat lokale.

Gjatë operacionit, 20 punonjës humanitarë meshkuj dhe 6 femra të rrëmbyera nga grupi u shpëtuan dhe iu dorëzuan qeverisë në Maiduguri, kryeqyteti dhe qyteti më i madh i Bornos.

Boko Haram nisi një kryengritje të përgjakshme në vitin 2009 në verilindje të Nigerisë, duke përhapur më vonë mizoritë e saj në Niger, Çad dhe Kamerun, e cila shkaktoi reagime ushtarake.

Më shumë se 30 mijë persona janë vrarë dhe gati 3 milionë janë zhvendosur në një dekadë të aktiviteteve terroriste të Boko Haram-it në Nigeri, sipas Zyrës së OKB-së për Koordinimin e Çështjeve Humanitare.

Agjencia e OKB-së për Refugjatët thotë se dhuna e kryer nga Boko Haram ka prekur rreth 26 milionë njerëz në rajonin e Liqenit Çad dhe ka zhvendosur 2.6 milionë të tjerë.



. .

Ngjarja paraprake

Rimbursimi me 50-100 euro, komuna e Prishtinës ndan mbi 400 mijë euro!

Ngjarja e ardhëshme

Tayna dhe Flori arrin 4 milionë shikime me këngën e re

të fundit nga

AlbanianEnglishMacedonian