Nigeri, 2 persona të vrarë në operacionin për të shpëtuar studentët e rrëmbyer

Në shtetin Kaduna në Nigeri 2 persona të armatosur u neutralizuan në operacionin për të shpëtuar 39 studentë të rrëmbyer më 12 mars, transmeton Anadolu Agency (AA).

Komisioneri Shtetëror i Sigurisë dhe Punëve të Brendshme të Kaduna-s, Samuel Aruwan, në një deklaratë tha se ushtria kreu një operacion për të shpëtuar 39 studentë të rrëmbyer në Kolegjin Federal të Mekanizimit të Pylltarisë në rrethin Mando të shtetit.

Duke deklaruar se 2 persona të armatosur u neutralizuan në operacion, Aruwan tha se gjithashtu u sekuestruan armët dhe municionet e rëndësishme që u përkisnin këtyre njerëzve.

Aruwan deklaroi se operacionet e shpëtimit janë në proces për të gjetur 23 vajza dhe 16 djem që ishin rrëmbyer më herët.

180 persona u shpëtuan më herët

Nga 210 personat e rrëmbyer në sulmin e armatosur ndaj Kolegjit Federal të Mekanizimit të Pyjeve më 12 mars, u shpëtuan 180 persona duke përfshirë 42 vajza dhe 8 mësuese.

Vitin e kaluar në shtetin Kaduna, 937 njerëz humbën jetën dhe 1.972 tjerë u rrëmbyen në sulmet e kryera nga persona të armatosur.

Në Nigeri që nga janari studentët janë rrëmbyer 3 herë nga shkollat ​dhe arsimi u pezullua në disa shtete për shkak të sulmeve që synonin shkollat.



. .

Ngjarja paraprake

Reali publikon listën e lojtarëve ndaj Atalantas, Zidane sjell disa ndryshime

Ngjarja e ardhëshme

Paris Hilton rikrijon një nga pamjet më ikonike/ Me të njëjtën veshje pas 19 vitesh, njësoj elegante

të fundit nga

AlbanianEnglishMacedonian