Neymari e thyen rekordin e Ronaldos

Neymari e ka kaluar Ronaldon dhe është bërë golashënuesi i dytë më i mirë në histori të Kombëtares së Brazilit, pas tri golave që i shënoi kundër Perusë të martën.

Sulmuesi i Paris Saint-Germain shkëlqeu duke shënuar het-trik, për t’i ndihmuar Brazilit të fitojë edhe pse dy herë u gjend në disavantazh.

28-vjeçari tani i ka 64 gola në 103 paraqitje për Brazilin, duke e kaluar legjendën Ronaldo në vendin e dytë në listën e golashënuesve më të mirë të të gjitha kohëve në kombëtare.

Ronaldo i kishte shënuar 62 gola në 98 paraqitje për Brazilin gjatë karrierës së tij 17-vjeçare.

Por ish-sulmuesi i Barcelonës, Interit dhe Real Madridit e fitoi dy herë Kupën e Botës, dy herë Kupën e Amerikës dhe një herë Kupën e Konfederatave me Brazilin.

Vetëm Pele, i cili i kishte shënuar 77 gola në përgjithësi, ka më shumë se Neymari për Brazilin deri tani.

Ngjarja paraprake

Krizat lokale bartin rrezik të zgjerimit në kriza ndërkombëtare

Ngjarja e ardhëshme

Tabaku i përgjigjet Ramës: Gënjeshtar, çdo gjë që shkruhet në zyrën e propagandës

të fundit nga

AlbanianEnglishMacedonian