Nesër futemi për herë të fundit në shtëpi në 20:30, masat e reja në fuqi nga e marta

Nesër do të jetë nata e fundit që do të jeni të detyruar që të futeni në shtëpi në orën 20:30, pasi nga data 5 janar, pra ditën e martë vendi kthehet në regjimin që ishte përpara festave, ku mbyllja bëhet në orën 22:00.

Ky ishte vendimi i marrë nga Komiteti i Ekspertëve në 21 Dhjetor të vitit të kaluar, ndërsa mbetet për t’u parë nëse nesër do të ketë ndryshime nga Shëndetësia, shtrëngime, apo kufizimi i lëvizjes do të rikthehet në orën 22:00 sikur është vendosur përpara festave.

Ndryshimi nuk prek vetëm lëvizjen e qytetarëve por edhe baret dhe restorantet. Theksojmë se në ditët e para të vitit të ri paraqitet një ulje e ndjeshme e numrit të viktimave dhe infektimeve nga koronavirusi.

VENDIMI I KOMITETIT TE EKSPERTEVE DATE 21 DHJETOR 2020

– Kufizimin e lëvizjes së popullatës nga ora 20:30 deri në orën 06:00 të mëngjesit, duke filluar nga data 24 Dhjetor deri në datën 4 Janar. Përjashtim nga ky rregull bëhet për personat që duhet të lëvizin për emergjenca shëndetësore, motive pune apo nevoja të domosdoshme.

– Personat që lëvizin për arsye pune apo arsye të domosdoshme pajisen me autorizim përmes portalit e-albania.

– Prej datës 5 Janar kufizimi i levizjes rikthehet në orën 22:00, sipas specifikave që tashmë të gjithë i njohim.

– Po ashtu, kemi marrë vendim: kufizimin e aktivitetit të bareve dhe restoranteve, fast food, lokale, që ofrojnë shërbim për klientët nga ora 20:30 deri në orën 06:00, duke filluar nga data 24 Dhjetor deri në datën 4 Janar, duke përjashtuar shërbimin në banesë, pra atë delivery.

– Prej datës 5 Janar kufizimi i aktiviteteve të bareve dhe restoranteve rikthehet në orën 22:00.

– Po ashtu rekomandojmë të gjithë qytetarët të shmangin udhëtimet jo thelbësore si dhe aktivitetet jo thelbësore.

Të gjitha këto masa që kemi marrë, që kemi vendosur së bashku me të gjithë rekomandimet e Komitetit Teknik të Ekspertëve, do të rivlerësohen në mënyrë dinamike. Pra, nëse do të jetë e nevojshme dhe do të rivlerësohet situata ashtu sikurse është bërë deri më sot, do të merren masa të reja, apo do të rivlerësohen ato ekzistuese. Gjithmonë me synim për mbrojtjen e shëndetit të popullatës.

Ngjarja paraprake

Pompeo: Administrata e Trumpit kishte qëndrimin më të rreptë ndaj Rusisë

Ngjarja e ardhëshme

Pompeo: Administrata e Trump kishte qëndrimin më të rreptë ndaj Rusisë

të fundit nga

AlbanianEnglishMacedonian