Në Gjilan më shumë se 50% e rasteve të testuara dalin pozitiv në Covid-19

Drejtori i Shëndetësisë në Komunën e Gjilanit, Selami Xhemajli ka treguar shifra shqetësuese nga kjo komunë sa i përket përhapjes së koronavirusit.

“Nga 123 mostra të testuara për ditën e sotme 63 kanë dalë pozitive ndërsa 60 negative”, thotë Xhemajli.

Ai thotë se në Gjilan momentalisht janë mbi 400 raste aktive ndërsa 74 qytetarë nga kjo komunë kanë humbur jetën në përballje me Covid-19.

Xhemajli thotë se për dallim nga komunat tjera, ata presin rezultatet para se personat e vdekur të varrosen nën dyshimin se kanë koronavirus.

“Nëse dalin pozitiv, procedurat e varrimit vazhdojnë sipas protokolleve që përcakton IKSHPK”.

Pas Prishtinës, deri më tani Gjilani është komuna më e prekur në Kosovë nga koronavirusi.

Ngjarja paraprake

Oriola nuk i lë aspak vend imagjinatës, fustani vezullues i nxjerr në pah linjat perfekte

Ngjarja e ardhëshme

GRUBI: Programin e premtuar politik, BDI do ta zbatoj deri në fund

të fundit nga

AlbanianEnglishMacedonian