Në fillim të sezonit të ngrohjes, Fushë Topana kundërmon erë plastikë të djegur

Në fillim të sezonit të ngrohjes, kjo është pamja në lagjen e Topanës. Era e tymit nga drutë dhe plastika e djegur është gjëja e parë që do të ndjeni kur kaloni nëpër këtë lagje. Rënia e temperaturave dhe fillimi i sezonit të ngrohjes ka lëshuar alarmin për ndotjen e ajrit.

“Banorët nuk dëshironin të flasin para kamerës, por thonë se arrijnë t’i ngrohin shtëpitë e tyre me gjithçka që gjejnë, sepse nuk kanë para për dru për ngrohje”.

Nga Ministria e mjedisit jetësorë dhe Inspektorati i mjedisit thonë se nuk është në kompetencën e tyre të veprojnë nëse dikush njofton se vendi ku ata jetojnë është i ndotur. Kompetencë për të dalë inspektorët në terren ka vetë komuna, në këtë rast komuna e Çairit. Nga Komuna thonë se askush nuk ka denoncuar se ajri në lagjen Topanë ishte i ndotur.

Deri më tani, asnjë kallëzim nuk është dorëzuar në Inspektoratin e Komunës së Çairit për erë të keqe në këtë pjesë të komunës. Inspektorët janë vazhdimisht në terren dhe në përputhje me kompetencat e tyre kanë vendosur gjoba për ndezjen e zjarreve në vendet publike, që të parandalojnë ndotjen e ajrit. Nga ana tjetër, inspektoratet nuk kanë të drejtë të hyjnë në shtëpitë e qytetarëve në mënyrë që të inspektojnë me çka ngrohen – thonë nga Komuna e Çairit.

Ndotja e ajrit është temë që bëhet aktuale në publik në çdo fillimi të sezonit të ngrohjes. Vite me radhë, Maqedonia ka qenë në mesin e dhjetë vendeve më të ndotura në botë.

Andrea Cobanova

Ngjarja paraprake

Shtohen infektimet në Shqipëri: 297 raste të reja me Covid dhe 4 humbje jete në 24 orë

Ngjarja e ardhëshme

A është modeli kinez qeverisja e së ardhmes?

të fundit nga

AlbanianEnglishMacedonian