Në dy muajt e parë të 2021-s, dyfish më shumë vdekje se në dy muajt e parë të 2020-s

Saktësisht 1560 vdekje më shumë janë regjistruar në dy muajt e parë të vitit 2021 në Kosovë, në krahasim me të njëjtën periudhë të një viti më herët. Përderisa në dy muajt e parë të 2020-s në Kosovë humbën jetën 1663 persona, sivjet shifra e vdekjes në këta dy muaj ishte 3223.

Rritja e rasteve të vdekjes në vend i atribuohet numrit të lartë të vdekjeve me COVID-19. Në dy muajt e vitit të shkuar në Kosovë s’kishte pandemi. Në janar më 2020 ishin regjistruar 918 vdekje, ndërsa sivjet u regjistruan 1714. Dyfish rritje të rasteve të vdekjeve u regjistruan edhe në muajin shkurt 2021, krahasuar me shkurtin e një viti më herët. Më 2020 në atë muaj ishin 745 vdekje, ndërsa sivjet 1509.

Nga COVID-19, në dy muajt e parë të vitit 2021 humbën jetën 704 persona, bazuar në të dhënat e Institutit Kombëtar të Shëndetësisë Publike në Kosovë. E shifrat e vdekjes kanë vazhduar të jenë alarmante edhe në muajin mars e në prill. Vetëm sot, e enjte, u regjistruan 17 vdekje.

Nga 3223 vdekjet e regjistruara, 1807 ishin meshkuj e 1416 femra.

Bazuar në të dhënat e Agjencisë së Statistikave të Kosovës, dy muajt e sivjetmë ishin më të rëndët për Kosovën në një periudhë prej vitit 2015. Asnjëherë nuk kishte pasur kaq shumë vdekje në këtë periudhë kohore të vitit.

Image
Ngjarja paraprake

Moriba donte të luante për Barcelonën

Ngjarja e ardhëshme

Ministria e Jashtme ruse thërret ambasadorin amerikan në lidhje me sanksionet

të fundit nga

AlbanianEnglishMacedonian