Ndeshja me Sassuolo në rrezik

Inter-Sassuolo, e planifikuar të luhet të shtunën në mbrëmje, mund të shtyhet. Për momentin është një hipotezë e cila, megjithatë, ka filluar të marrë formë me kalimin e orëve. Dhe në të njëjtën kohë, zikaltrit, që javën e ardhshme duhet t’u përgjigjen ftesave të ekipeve të tyre kombëtare, mund të “bllokohen” në përputhje me rregullat e izolimit sanitar 14-ditor. Kjo është procedura që grupi i skuadrës zikaltër duhet të ndjekë, pas pozitivitetit të D’Ambrosio dhe Handanovic me Covid-19.

Për ta shtyrë ndeshjen është e nevojshme, sipas protokollit “Lega-Figc”, që të konfirmohen 10 pozitivë në një javë, ose mjafton që Ats e Milanos të ndërhyjë, e cila u informua për pozitivitetin e D’Ambrosio dhe Handanovic. 

Dje u bënë tamponët e radhës dhe ekziston një frikë e vërtetë se numri i zikaltërve të infektuar është i destinuar të rritet.

Për shembull, do të mjaftonte dy pozitivë më shumë (me totalin që rritet në 4, nga e hëna) për të shkaktuar alarm tek Ats. Vendimi do të varet nga menaxherët që merren me sigurinë publike, të cilët në atë moment mund të ndalojnë stërvitjen në “Pinetina” dhe të detyrojnë shtyrjen e ndeshjes.

Ndryshe nga Napoli, i cili duhej të shkonte në Torino për ndeshjen kundër Juventusit; dhe Torinos, e ndaluar para se të nisej për në Romë (për Lazio-Toro), Interi do të luajë në shtëpi të shtunën në mbrëmje. Çështja do të ishte e ngjashme me atë të Torino-Sassuolo, e cila u rikuperua dje. “Granatat” u ndaluan nga ASL. Situata e infeksionit në Itali është shqetësuese, prandaj do të varet nga rezultati i tamponëve të djeshëm, por mbi të gjitha të atyre që do të bëhen në orët e ardhshme.

Ngjarja paraprake

Zemaj nënshkruhet si deputet: Sot e gjithmonë, sa krenar, aq detyrues ndaj çdo vote dhe qytetar

Ngjarja e ardhëshme

Pas aksionit të Prokurorisë në zyrën e Gjilanit, reagon ATK-ja

të fundit nga

AlbanianEnglishMacedonian