Momenti kur Ronela Hajati bën shqiponjën dhe valëvitet flamuri kombëtar shqiptar në “Eurovision 2022”

Ka filluar nata e parë gjysmëfinale e Festivalit Evropian të Këngës “Eurovision 2022”.

Artistja Ronela Hajati, e cila sivjet përfaqëson Shqipërinë, ka bërë hapjen e festivalit me “Sekret”.

Ajo ka bërë një interpretim të mrekullueshëm me një koreografi të veçantë të përgatitur prej disa muajsh me balerinën Klaudia Pepa.

Derisa ishte duke kënduar, duartrokitjet e brohoritjet nuk u ndalën nga publiku të cilët duket se e mirëpritën këtë projekt.

Krejt në fund, Hajati bëri shqiponjën si dhe në sallë nuk mungoi flamuri kombëtar shqiptar i cili po valëvitej nga mbështetësit e 32-vjeçares.

Nata e dytë gjysmëfinale mbahet më 12 maj, kurse finalja e madhe pritet të mbahet të shtunën (14 maj).

Në edicionin e 66-të të Eurovisionit do të konkurrojnë gjithsej 17 vende, ndërsa vetëm dhjetë prej tyre do të kualifikohen në finalen e madhe të së shtunës.

“Eurovision 2022” është duke u zhvilluar në arenën “Pala Alpitour” në Torino të Italisë.

Moderatorët në këtë edicion janë: Mika, Laura Pausini dhe Alessandro Cattelan.

GAZETA.MK

Story i mëparshëm

Orkestra Kalush e Ukrainës performon në gjysmëfinalen e Eurovizionit

Story i radhës

Thaçi: Gjyqtarët e dëmtuan Hazirin  

Të fundit nga