Mjerim në çadër, familja Gjyli kalon dimrin e dytë pa mbrojtje nga shiu

Prej më shumë se 1 viti nga goditja e tërmetit të 26 nëntorit, procesi i rindërtimit të banesave duket se po ecën me ritme shumë të ngadalta. Familja e Myslym Gjylit ne fshatin Gjuriçaj po kalon dimrin e dytë në çadër ndërsa ende punimet për rindërtimin e shtëpisë së tij nuk kanë nisur ndaj kërkon ndihmë.

Pas më shumë se 1 viti nga goditja e tërmetit të 26 nëntorit, dimri i dytë sërish e ka gjetur në çadër familjen e Myslym Gjylit në Gjuriçaj të Durrësit.

Sikur të mos mjaftonte kjo, reshjet e shumta të shiut që kanë sjellë edhe përmbytje e kanë vështirësuar akoma më shumë jetesën e përditshme.

Ai tregon se shiu ka depërtuar duke hyrë brenda strehëzës, dhe i ka detyruar të hedhin shumë veshmbathje dhe orendi shtëpiake.

“Çdo cep i çadrës është me ujë, ftohtë i tmerrshëm.”

Më tej ai tregon se ka trokitur në shumë dyer institucionesh kompetente për të kërkuar ndihmë pas vlerësimit të dëmit.

Madje ka bërë disa kërkesa dhe ankesa për rindërtimin e banesës që iu shemb nga tërmeti por duket se kanë qenë vetëm premtime boshe të herëpashershme e si rrjedhojë tashmë ai ka mbetur pa ndihmën e askujt.

“Kam shkuar te zyra e informacionit në Durrës kam bërë ankesë-kërkesë, asgjë deri tani. Vijnë dhe ikin, diçka do të bëhet për ty por kur?”

Me dëshpërimin që lexohet tek sytë e tij, shpreh se për të ka shumë kohë që nuk e ndjen aromen e shtëpisë.

Netët e dimrit janë të ftohta në çadrën e tyre dhe thotë se sëbashku me bashkëshorten e tij bien në gjumë herët për tu zgjuar po herët në mëngjes, duke shpresuar se dita e re do të sjellë për ta triumfin e shpresës.

“Gjithë ditën duke hapur sytë se po vjen ndonjë inxhinier. Shumë e tmerrshme, nëse e ke inat tjetrin i thuaj “të pafsha në çadër”.

Mesa duket procesi i rindërtimit të banesave të tërmetit po ecën me ritme shumë të ngadalta.

Apeli për ndihmë i kësaj familjeje shkon ndaj të gjithë institucioneve kompetente dhe çdokujt që e dëgjon thirrjen, individi apo biznesi, për të kthyer vëmendjen në mënyrë që të përmbushin sadopak minimumin jetik.

Ngjarja paraprake

OBSH: T’u jepet fund marrëveshjeve dypalëshe me laboratorët për vaksinat

Ngjarja e ardhëshme

Për herë të parë në Kabinetin e Presidentit të ShBA-ve do të ketë femra aq sa meshkuj

të fundit nga

AlbanianEnglishMacedonian