Mickoski: Zgjidhja me Bullgarinë nuk përfshinë vetëm ndryshime në Kushtetutë, do të prekë edhe identitetin

“Në horizont është një zgjidhje më gjithëpërfshirëse, e cila nuk do t’i referohet vetëm përfshirjes së bullgarëve në Kushtetutë, por do të prekë identitetin dhe gjuhën maqedonase”.

Këtë e tha kryetari i OBRM-PDUKM-së, Hristijan Mickoski, duke folur në një tribunë partiake për llogaridhënien e kryetarëve të komunave, të organizuar në Ohër.

Ai tha se nëse zgjidhja me Sofjen bëhet pjesë e kornizës së negociatave, maqedonasit do të hyjnë në BE “të bullgarizuar”, ose do të negociojnë pafundësisht.

“Për ta është e qartë se nuk kanë 80 deputetë, dhe e vetmja gjë që do t’u mbetet në dispozicion është që të gjitha kërkesat të përfshira në Deklaratën e Parlamentit bullgar të jenë pjesë e kornizës negociuese”, tha Hristijan Mickoski.

Ndërsa nga Qeveria thonë se janë të përkushtuar në gjetjen e zgjidhjes me Bullgarinë, por pa kompromise për gjuhën dhe identitetin.

“Pozicionet tona janë të qarta dhe nuk ka asnjë devijim nga kjo. Nuk do negociohet për gjuhën dhe identitetin”, tha zëdhënësi i Qeverisë, Dushko Arsovski.

GAZETA.MK

Story i mëparshëm

Punime në rrjet, KEDS-i tregon cilat vende do të mbesin pa rrymë

Story i radhës

Banorët e Manastirit në protesta, kërkojnë lirimin e gjyshit që vrau dhëndrin në vetmbrojtje

Të fundit nga

AlbanianMacedonianEnglish