Lideri i VMRO-DPMNE-së, Hristijan Mickoski, është informuar se qeveria është duke përgatitur një ligj të ri për mbrojtjen e sekreteve afariste, por ende nuk e ka marrë. Ai beson se ky ligj ka të bëjë me projektin për ndërtimin e autostradave të korridoreve 8 dhe 10D.
“Mendoj se ka të bëjë me një projekt, për të cilin ata thanë se ishte sekret afarist, dhe ne thamë se nuk ishte sekret afarist, dhe ky është projekti për ndërtimin e seksioneve 8 dhe 10 D. Ata fjalë për fjalë u kapën në një krim të rëndë atje dhe tani po mundohen të mbulojnë të gjitha dhe mendoj se në këtë nxitim do të miratojnë një ligj të tillë”, thotë Mickoski.
Një ligj i tillë, shtoi ai, “nuk do të kalojë nëse nuk keqpërdoret flamuri evropian”.
“Nëse përsëri e keqpërdorin flamurin evropian, atëherë me ndryshimin qeveria e ardhshme ka qëllim serioz që të korrigjojë të gjitha”, theksoi Mickoski pas vizitës në Komunën e Lozovës në kuadër të fushatës “Është e rëndësishme!” Ndryshimet varen nga ju!”.
