Mickoski: Asgjë nuk do të ndodhë të mërkurën, së shpejti zbulohen krime të ish-funksionarëve të lartë

Kryeministri Hristijan Mickoski ka deklaruar se “të mërkurën nuk do të ndodhë asgjë,” duke iu përgjigjur pyetjeve në Qeveri lidhur me seancën e Gjykatës Kushtetuese më 11 dhjetor për Ligjin për gjuhët.

Ai akuzoi BDI-në për krijimin e ndarjeve dhe tensioneve ndëretnike me qëllim.
“Po bisedojmë me VLEN; kjo është një procedurë që është në proces. Aktualisht, askush nuk mund të ndërhyjë te Gjykata Kushtetuese, pasi parimi përfundoi më 8 maj. E vetmja temë me të cilën BDI është e pranishme në opinion është krijimi i ndarjeve mbi baza etnike. Ata fokusohen vetëm te çështjet etnike dhe nuk janë në gjendje të imponojnë tema të tjera apo të tërheqin mbështetës. U përpoqën me agjendën e tyre të gjelbër, por nuk ia dolën,” deklaroi Mickoski.

Ai u bëri thirrje qytetarëve që të qëndrojnë të qetë, duke theksuar se bëhet fjalë për një grup të izoluar ish-zyrtarësh të lartë, për të cilët ka dyshime për përfshirje në krime të mëdha, që sipas tij do të zbardhen së shpejti.
“Pavarësisht se sa janë të qëndrueshëm dhe luftojnë, ne do t’i mposhtim ata dhe të tjerët bashkë me shërbëtorët e tyre. Opinioni duhet të dijë të vërtetën – çfarë fshihet pas kësaj fushate të orkestruar nga këta përfitues politikë,” përfundoi Mickoski.