Të përplasesh në parti por pa e lexuar statutin e saj në mënyrë të saktë.Kjo është ajo që e karakterizon së fundmi partinë më të madhe shqiptare në Maqedoninë e Veriut ku individë të caktuar ose nuk i dijnë ose nuk i respektojnë kompetencat që ka vetë kreu i cili zgjidhet në Kongres në një mandat katër vjeçar me të drejtë rizgjedhjeje.
Kryetar i partisë zgjidhet kandidati që fiton mbi 50 përqind të votave nga numri i përgjithshëm i delegatëve të kongresit.
Shumë prej atyre që vazhdojnë të jenë aktiv në politikë duket se nuk e lexojnë saktë se çfarë kompetencash ka vetë lideri që e drejton partinë prej vitesh dhe që ka fituar edhe një mandat në mënyrë absolute në Kongres për të drejtuar subjektin siç është Ali Ahmeti .
Në Nenin 46 të statutit të BDI-SË thuhet se lideri në emër të partisë i pezullon vendimet e degëve,shkarkon drejtuesit r degëve dhe këshillave vendorë dhe emëron ushtrues detyre në këto organe si dhe shpërbën Degën ose Këshillin Vendor të partisë që bie ndesh me përcaktimet programit ose Statutin e partisë .
Me një fjalë është kryetari i partisë ai që sipas Statutit e prezanton dhe përfaqëson partinë dhe në mënyrë aktive ndikon në sendërtimin dhe valorizimin e përcaktimeve programore të partisë.
Burimi: Tetovasot
