Mbolli një faqe mali me lëndë narkotike, policia ndalon 23 vjeçarin në Shkodër

Gjykata e Shkallës së Parë në Shkodër ka ndryshuar masën e sigurisë për një 23-vjeçar nga Malësia e Madhe, për kultivim të bimëve narkotike.

Për këtë shtetas Gjykata ka vendosur ndryshimin e masës së sigurisë nga “arrest shtëpie” në “Arrest me burg”, për veprën penale “Kultivimi i bimëve narkotike”.

Në muajin gusht të vitit 2021, në vendin e quajtur pylli i Rrihnave, në fshatin Vermosh, Malësi e Madhe, në faqen e malit në një zonë të pyllëzuar, shërbimet e Policisë gjatë kontrollit të territorit kanë evidentuar dhe asgjësuar një numër të konsiderueshëm bimësh narkotike.

Nga hetimet e kryera dyshohet se bimët narkotike janë kultivuar nga ky shtetas në bashkëpunim me persona të tjerë, ku vijon puna për identifikimin dhe kapjen e tyre.

Materialet shtesë i kaluan Prokurorisë së Rrethit Gjyqësor Shkodër për veprime të mëtejshme.

GAZETA.MK

Story i mëparshëm

Manchester Utd në epërsi

Story i radhës

​Pacientet në Gjinekologji me simptoma të lehta të COVID-it

Të fundit nga

AlbanianMacedonianEnglish