Mblidhen për herë të parë anëtarët e Gjykatës Kushtetuese, çështjet që pritet të shqyrtohen

Shtatë anëtarët e Gjykatës Kushtetuese janë mbledhur sot për herë të parë, për të diskutuar ndarjen e disa çështjeve që presin të shqyrtohen si dhe caktimin e kryetarit.

Në mbledhjen e sotme do të diskutohet për çështjen e Teatrit, zgjedhjet e 30 qershorit dhe Kodin Zgjedhor, të depozituara në Kushtetuese para ngritjes së saj.

Anëtarët e Gjykatës Kushtetuese aktualisht janë: Vitore Tusha, Elsa Toska, Marsida Xhaferllari, Fiona Papajorgji, Altin Binaj, Përparim Kalo dhe Sonila Bejtja.

Gjykata Kushtetuese përbëhet nga 9 anëtarë. Tre anëtarë emërohen nga Presidenti i Republikës, tre anëtarë zgjidhen nga Kuvendi, të dy këto institucione i realizuan detyrat e tyre, ndërsa tre anëtarë zgjidhen nga Gjykata e Lartë, e cila nuk është plotësuar vetë akoma.

Gjyqtarët e Gjykatës Kushtetuese qëndrojnë në detyrë për 9 vjet, pa të drejtë riemërimi.

Ngjarja paraprake

Këto janë gjirafat më të vogla në botë – Mesa duket, edhe gjirafat mund të vuajnë nga xhuxhizëmi

Ngjarja e ardhëshme

Aktori i njohur zhvendoset në Londër i plotëson dëshirën të fejuarës së tij

të fundit nga

AlbanianEnglishMacedonian