Rei Manaj ka mbyllur me nota pozitive sezonin në Serinë A.
Megjithëse nuk ka gjetur shpesh rrugën e rrjetës, sulmuesi shqiptar ishte një element i rëndësishëm për Specian. I palodhur dhe me shpirt luf.tarak, Manaj i ka bindur të gjithë në klubin ligurian.
Lojtari 24-vjeçar ndihet mirë me “shqiponjat“ dhe dëshiron të qendrojë përsëri në radhët e tyre, por problem bëhet rroga e tij. Vetë sulmuesi theksoi se Specia duhet të bëjë një sakrificë ekonomike për të siguruar shërbimet e tij edhe për të paktën vitin tjetër.
Klubit italian i duhet të paguajë 2.7 milionë euro për të blerë kartonin nga Barcelona.
Deri këtu gjtihçka është në rregull. Problemi qendron te paga vjetore e Manajt. Ky i fundit përfiton 1.5 milionë euro në sezon, rrogë të cilën për këtë sezon e ka paguar Barcelona, por që për Specian është e vështirë të përballohet.
