“Përkundër aktgjykimeve të shumta gjyqësore për krimin e VMRO-DPMNE-së, ndër to edhe i fundit në rastin “Talir 2”, Hristijan Mickoski me këmbëngulje nuk distancohet nga krimi i partisë së tij. Thjesht do të thotë se ai është i njëjtë me mentorin e tij Nikolla Gruevski se është në anën e krimit”, akuzojnë nga LSDM.
“Pas aktgjykimit të gjykatës për “Talir 2” ku u vërtetua se VMRO-DPMNE ka fituar pasuri kriminale, më e pakta që mund të bënte Mickoski ishte të distancohej dhe të kërkonte falje për marrëveshjet kriminale të përmasave epike.
Por në vend të kësaj Mickoski mbron me çdo kusht krimin e VMRO-DPMNE-së së tij.
Asgjë nuk ka ndryshuar në VMRO-DPMNE, është një parti e ngecur në një matricë regjimi që punon vetëm në dëm të qytetarëve dhe shtetit”, shtojnë nga LSDM.
