Llapi i Podujevës beson e shpreson se do të mbrojë trofeun e Kupës së Kosovës.
Llapjanët me drithërima e presin finalen e Kupës së Kosovës, ku ndeshen me Dritën e Gjilanit.
Finalja luhet me 26 maj, ndërsa Llapi përgatitet në çdo aspekt.
“Kryesia e Legjendave, njofton qytetaret e Podujevës (Llapit e Gollakut) se në finalen kundër FC Dritës, do të udhëtojmë me 15 autobus drejt Prishtinës në “Fadil Vokrri” për finalen e kupës së Kosovës, e ta ruajmë epitetin e kampionit.
Ftohen të gjitha gjeneratat, krejt qyteti, krejt rinia e pleqëria e Llapit, ftohen edhe Llapjanët që jetojnë e veprojnë në vende tjera..
Është ndeshje jetike për Europe, e i gjithë suksesi i këtij viti varet nga kjo ndeshje.
(Ndeshja zhvillohet me datën 26 maj, ditë e enjte)”, thuhet mes të tjera nga KF Llapi.
