Libia bie dakord për krijimin e qeverisë së tranzicionit

Pas më shumë se një viti, partitë libiane ranë dakord të premten për një qeveri kalimtare që do të drejtojë vendin deri në zhvillimin e zgjedhjeve të përgjithshme në fund të këtij viti.

“Është absolutisht e domosdoshme të bashkohet Libia dhe të shkohet drejt rrugës së paqes”, tha Sekretari i Përgjithshëm i OKB-së Antonio Guterres në një konferencë për shtyp në Nju Jork. “Zgjedhjet natyrisht janë një element kryesor i këtij rrugëtimi drejt paqes”.

Në fund të një takimi njëjavor të Forumit të Dialogut Politik Libian në Kombet e Bashkuara në Gjenevë, një autoritet i ri ekzekutiv u zgjodh pas dy raundesh votimi. “Shpresa jonë ishte se ju do të ishit në gjendje të krijonit një zgjidhje të vërtetë libiane”, tha Stephanie Williams, e dërguara në detyrë e Kombeve të Bashkuara në Libi, e cila ka shërbyer si ndërmjetuese mes palëve.

Ajo përgëzoi palët për kapërcimin e shumë dallimeve dhe ndasive, dhe vënien e interesave të Libisë dhe popullit të saj në plan të parë. Zonja Williams tha se fituesit morën 39 nga 73 votat e hedhura. Ekzekutivi i ri do të përbëhet nga një këshill presidencial dhe një kryeministër.

Kryeministri i propozuar, Abdul Hamid Mohammed Dbeibah, tani ka 21 ditë për të formuar kabinetin e tij dhe për të paraqitur programin e punës në Dhomën e Përfaqësuesve të vendit për miratim.

Ngjarja paraprake

Perisic: Jemi në krye, kaq rëndësi! Tani radhën e ka Juventusi…

Ngjarja e ardhëshme

Si do të jetë moti gjatë fundjavës dhe javës së ardhshme?

të fundit nga

AlbanianEnglishMacedonian