Kurti vlerëson lart veprën e instrumentistit Shaqir Hoti: Ishte vetë narrativa e folklorit tonë

20:44 | 15 Prill 2021

Foto: Facebook

Kurti e kujton instrumentistin e ndjerë, Shaqir Hoti.

Ditë më parë, arti kosovar humbi instrumentistin e njohur Shaqir Hoti, shkruan lajmi.net.

Vepra e Hotit do të mbetet trashëgim për breza me radhë, ndërsa e kujtojnë me mall krerët e vendit dhe emra të njohur nga fusha e artit.

Kryeministri Kurti, me anë të një postimi në Facebook, thotë se Hoti kishte qindra performanca me muzikantë të shumë zhanreve.

Ai vlerëson se vepra e tij kapërceu kufijtë e zejes, perfomancës dhe interpretimit të zakonshëm, ndërsa instrumentisti ishte vetë narrativa e folklorit tonë.

KY ËSHTË POSTIMI I PLOTË I KURTIT, PA NDËRHYRJE:

“Baca Shaqë,

Mishërimi më i veçantë i trashëgimisë sonë kulturore, muzikore e shpirtërore, figurë që me punën e tij si flautisti i parë i Kosovës, multiinstrumentist i një sërë instrumentesh muzikore folklorike dhe me tela, i shquar si interpretues në premierën e këngës “Baresha” me figurën tonë historike të këngës Nexhmie Pagarusha, me qindra performanca me muzikantë të shumë zhanreve, me mbi 180 këngë origjinale, mbi 200 instrumente origjinale dhe shumë risi të shkëlqyera në krijimin e instrumenteve folklorike.

Veprimtaria e Shaqir Hotit ishte komplekse dhe me shumë substancë. Ajo i kapërceu kufijtë e zejes, performancës dhe interpretimit të zakonshëm. Shaqir Hoti ishte vetë narrativa e folklorit tonë ku ­me përvojen e tij profesionale dhe personale në tërë ekosistemin tonë kulturor, veçanarisht në muzikë, i dha frymë njerëzore veprimtarisë së tij.

Me instrumentet dhe veprat e tij ai përcolli rrëfime njerëzish, tregime folklorike, idioma të veçanta të natyrës së folkorit, humor popullor, miqësi dhe urtësi të rrëfimeve dhe gurrës sonë popullore për shumë e shumë gjenerata që do të vijnë.

Ne i detyrohemi kontributit të tij të pashoq. Ne kurrë nuk do të mund të bëjmë aq sa ka bërë ai, por së paku mund të bëjmë pjesën tonë për të mbrojtur, për të ruajtur dhe për të përçuar punën e tij brez pas brezi”. /Lajmi.net/

Baca Shaqë,

Mishërimi më i veçantë i trashëgimisë sonë kulturore, muzikore e shpirtërore, figurë që me punën e tij si…

Posted by Albin Kurti on Thursday, April 15, 2021

Ngjarja paraprake

​Manchester United-Granada, formacionet zyrtare

Ngjarja e ardhëshme

Ja detajet e takimit të dy ministrave Hoxha-Shaqiri

të fundit nga

AlbanianEnglishMacedonian