Kukës/ Qëllohet me armë për një vend parkimi

Policia e Kukësit ka shoqëruar në komisariat një 18-vjeçar që qëlloi në ajër me një armë të dyshuar zhurmuese.

Po sipas policisë e gjitha kjo ndodhi pasi ky shtetas, i identifikaur si Gilbert Shatri u konfliktua me një person tjetër për vendin e parkimit.

Policia e Kukësit, pas një telefonate të marrë për një konflikt mes dy shtetasve, menjëherë ka shkuar në vendin e ngjarjes.

Forcat “Shqiponja” kanë vlerësuar informacionin dhe kanë rrethuar perimetrin e sigurisë dhe si rezultat i veprimeve të shpejta operacionale, kanë bërë të mundur kapjen e shtetasit G. Sh., 18 vjeç, banues në Kukës.

Shtetasi G. Sh., në lagjen nr. 1 në qytetin e Kukësit, pas një konflikti për vendin e parkimit, me shtetasin Xh. Sh., ka qëlluar në ajër me armën e llojit pistoletë e dyshuar zhurmuese.

Në cilësinë e provës materiale u sekuestrua arma e llojit tip pistoletë e dyshuar zhurmuese, si dhe një gëzhojë.

Shtetasi G. Sh. është shoqëruar në Komisariatin e Policisë Kukës, për veprime të mëtejshme procedurale.

Ngjarja paraprake

Arabia Saudite e quan të pasaktë raportin e SHBA-së për vrasjen e gazetarit Jamal Khashoggi

Ngjarja e ardhëshme

U zhgënjye shumë nga Juventusi

të fundit nga

AlbanianEnglishMacedonian