Kryeministri Kurti takoi përfaqësuesit e Konfederatës së Sindikatave Norvegjeze dhe Federatës Norvegjeze të Punëdhënësve

Në kuadër të vizitës zyrtare në Norvegji, Kryeministri i Republikës së Kosovës, Albin Kurti, u takua me përfaqësuesit e Konfederatës së Sindikatave Norvegjeze dhe Federatës Norvegjeze të Punëdhënësve.

Duke theksuar reformat e ndërmarra dhe indikatorët pozitivë në ekonomi, kryeministri Kurti theksoi se mirëqenia sociale është ndër prioritetet qendrore të Qeverisë së Republikës së Kosovës.

Në takim u potencua se ekonomia duhet të jetë në shërbim të mirëqenies së qytetarëve. Se pagat e mira vijnë nga prodhimi, konkurrenca e bizneseve dhe rritja e eksporteve. U tha se për të mbajtur ekonominë e shëndetshme, për të ruajtur produktivitetin dhe konkurrueshmërinë e prodhuesve, rritja e pagave në ndërmarrjet eksportuese i paraprinë rritjes së pagave të tjera në vend.

U diskutua për modelin nordik të organizimit të tregut të punës, ku kërkesat e punëtorëve për të drejta, dinjitet dhe mirëqenie nuk bien ndesh me kërkesën e kompanive për konkurrueshmëri, por ndihmojnë e plotësojnë njëra tjetrën në prodhim, produktivitet dhe zhvillim të gjithmbarshëm ekonomik.

Përfaqësuesit e federatave shprehën interesimin për të vizituar Kosovën dhe për të rritur bashkëpunimin.

GAZETA.MK

Story i mëparshëm

Arsenal nuk tregon interes për Torreiran

Story i radhës

Krijimi i Super Ligës së Evropës, flet Al-Khelaifi

Të fundit nga

AlbanianMacedonianEnglish