Kryeministri italian merr vaksinën AstraZeneca kundër COVID-19

Kryeministri i Italisë, Mario Draghi ka marrë vaksinën AstraZeneca kundër koronavirusit të ri (COVID-19), transmeton Anadolu Agency (AA).

Në njoftimin nga kryeministria thuhet se 73-vjeçari Draghi dhe bashkëshortja e tij Maria Serenella Cappello, janë vaksinuar në qendrën e vaksinimit në stacionin e trenave Roma Termini, siç është parashikuar në kalendarin e përgatitur nga Administrata Rajonale e Lazios.

Draghi, në konferencën për media pas Samitit të Liderëve të Bashkimit Evropian më 26 mars njoftoi se ka caktuar datë për vaksinim kundër COVID-19 këtë javë.

Fushata e vaksinimit kundër COVID-19 në vend filloi më 27 dhjetor 2020, ku deri më tani janë vaksinuar 9.658.927 persona. Prej tyre 3.037.122 kanë marrë dozën e dytë të vaksinës.

Vaksinimi masiv në vend ishte ngadalësuar për arsye të vonesës në furnizimet e vaksinave në Evropë.



. .

Ngjarja paraprake

Haaland njofton Dortmundin se dëshiron largimin në verë

Ngjarja e ardhëshme

Turqi, rastet me variantet e COVID-19 në rritje mes fëmijëve

të fundit nga

AlbanianEnglishMacedonian