Kryemadhi publikon faturat për inceneratorët: Zoto paguan Zoton, Stela paguan Stelën

Kryetarja e LSI, Monika Kryemadhi, ka publikuar disa fatura, që sipas saj, tregojnë sesi “Zoto paguan Zoton për të këshilluar Zoton dhe Stela paguan Stelën për të këshilluar Stelën”.

Sipas Kryemadhit, në komisionin hetimor parlamentar publiku po shikon disa deputetë-avokatë mbrojtës të aferës korruptive të shekullit.

Ajo thekson se e vërteta gjendet në kallëzimet dhe provat që prokurorët e SPAK kanë përpara.

Ja ku i kanë çuar paratë e shqiptarëve “veprat” e Edi Ramës!

Shikoni faturat, sesi Zoto paguan Zoton për të këshilluar Zoton. Stela paguan Stelën për të këshilluar Stelën.

Deri në dhjetor të vitit 2021, ‘Zoto Consulting’ ka marrë nga inceneratorët 118 milionë lekë të reja, ndërsa ‘Consulting SE Partners’, kompania e konsulencave të Stela Gugallja, ka marrë 127 milionë lekë të reja.

Ministrat dhe zyrtarët e qeverisë, kryetarët e bashkive, miqtë e tyre, kanë vepruar bashkë si një grup i strukturuar kriminal.

Në komisionin hetimor parlamentar publiku po shikon disa deputetë-avokatë mbrojtës të aferës korruptive të shekullit.

E vërteta gjendet në kallëzimet dhe provat që prokurorët e SPAK kanë përpara.

Pavarësisht zhurmës aktuale politike e mediatike për të mbrojtur karrierat e disave të përfshirë, e vërteta do të mbetet e pamohueshme.

Fatin e tyre, këta zyrtarë e kanë përcaktuar kur kanë firmosur për këto procedura.

Ne inkurajojmë fuqimisht prokurorët të veprojnë sa më shpejt, që të mbrojnë sa më shumë të jetë e mundur interesin dhe financat publike.

Inceneratori i Fierit dhe Tiranës vijojnë të marrin pagesa dhe çdo ditë vonese është në dëm të qytetarëve”, shkruan Kryemadhi.

GAZETA.MK

Story i mëparshëm

Juventusi nuk dorëzohet për Zaniolon

Story i radhës

Rritja e rrogës minimale dhe pensioneve, Bytyqi: Nuk ka nevojë për rishikim të buxhetit

Të fundit nga

AlbanianMacedonianEnglish