Koreja e Veriut demonstron një raketë të re balistike

Koreja e Veriut demonstroi gjatë një parade ushtarake një raketë të re balistike ndërkontinentale.

Analistët thanë se raketa, e cila u shfaq në një automjet transporti me 11 boshte, do të ishte një nga më të mëdhatë në botë në kategorinë e raketave ndërkontinentale të lëvizshme, nëse vihet në përdorim.

Parada e pashembullt, e mbajtur në orët e para të mëngjesit ishte organizuar me rastin 75-vjetorit të Partisë së Punëtorëve në pushtet.

Është hera e parë që Koreja e Veriut paraqet raketa balistike që kur udhëheqësi i saj filloi takimet me udhëheqësit ndërkombëtarë, duke përfshirë presidentin e SHBA-së, Donald Trump, në vitin 2018.

Ai tha se vendi do të vazhdojë të rrisë fuqinë e mbrojtjes kombëtare dhe mjetet vetëmbrojtëse për parandalimin e luftës, por nuk përmendi drejtpërdrejt Shtetet e Bashkuara ose bisedimet e denuklearizimit që tani janë bllokuar.

Një zyrtar i lartë i administratës amerikane e quajti shfaqjen e raketës balistike ndërkontinentale “zhgënjyese” dhe i bëri thirrje Phenianit të negociojë për arritjen e një denuklearizimi të plotë. /VOA/

Ngjarja paraprake

Mbushen kapacitetet e Klinikës Infektive, në funksion spitali modular

Ngjarja e ardhëshme

Për mosmbajtjen e maskës 754 gjoba

të fundit nga

AlbanianEnglishMacedonian