Konfirmohet edhe zyrtarisht – Lavrov ka anuluar vizitën në Serbi

Ambasadori rus Aleksandr Botsan Kharchenko e ka njoftuar presidentin e Serbisë, Aleksandar Vuçiq, në takimin e sotëm se zyrtarisht është anuluar vizita e ministrit të Punëve të Jashtme të Rusisë, Sergej Lavrov, në Serbi.

Kjo është bërë e ditur nga vet presidenti serb, i cili gjatë ditës ka zhvilluar një takim me ambasadorin rus, përcjell Telegrafi.

“Ambasadori më informoi për arsyet që e pamundësuan ardhjen e ministrit Lavrov në Beograd dhe solli dokumente që e mbështesin këtë…”, ka shkruar Vuçiq.
Pas takimit të sotëm, Vuçiq tha se arsyet e anulimit të vizitës ia ka treguar Bocan Kharchenko, por ato do t’ia tregojë publikut në fjalimin e tij sonte në orën 19.30.

Ndërkohë raportimet për mbylljen e hapësirës ajrore për aeroplanin që do të sillte Lavrovin në Serbi, në Bullgari, Maqedoninë e Veriut dhe Mal të Zi janë konfirmuar mbrëmë nga një zyrtar i lartë i Ministrisë së Punëve të Jashtme ruse.

Siç ishte paralajmëruar më parë, kreu i Ministrisë së Punëve të Jashtme të Rusisë ishte planifikuar të vizitonte Republikën e Serbisë më 6 dhe 7 qershor.

Story i mëparshëm

Samsung “konfirmon” aksidentalisht Galaxy Watch 5 dhe 5 Pro

Story i radhës

Klubi Polici dhe Studenti, shënojnë rezultate të shkëlqyeshme në Sllovaki

Të fundit nga

Juventus-Inter pakt?

Presidenti i Juventusit, Andrea Agnelli u takua dje me homologun e tij të Interit, Steven Zhang

AlbanianMacedonianEnglish