Vendi jonë kohëve të fundit është duke u përballur me ikjen e zyrtarëve të Teknologjisë Informative (IT)-së në komunat e Republikës së Kosovës. Në lidhje me këtë ish drejtori i përgjithshëm i Agjencisë së Shoqërisë së informacionit, Kujtim Gashi, thotë se qeveria nuk ka pasur konsideratë për këtë kategori të nënpunësëve.
Ai ka thënë se ikja e zyrtarëve të IT-së në komunat e Kosovës mund të sjellë probleme serioze.
“Është e vërtetë që aktualisht zyrtarët e komunave e teknologjisë informative nuk janë përfshirë në gradimin dhe vlerësimin në pozitat e ekspertëve të fushës së teknologjisë informative dhe kjo mund me sjellë probleme serioze të komunave të Kosovës, duke pasur parasysh se aktualisht zyrtarët e IT-së në komunat e Kosovës nuk janë prekur nga rritja e pagës në relacion me atë që kanë pasur deri më tani”, tha Gashi.
Sa i përket trajtimit të zyrtarëve të IT-së si kategori e veçantë e ekspertëve ai thotë se ASHI duhet të merrë në konsideratë rolin e zyrtarëve të teknologjisë në komunat e vendit.
“Sigurisht që janë masa që duhen të trajtohen si grup i veçantë këta zyrtarë sidomos zyrtarë e IT-së në komuna, duke pasur parasysh se institucionet qëndrore, në këtë rast qeveria nuk ka pasur konsideratën për këtë kategori të nënpunësëve. Duhet t’ i trajtoj si kategori e veçantë të ekspertëve edhe sigurisht ASHI duhet ta merrë në konsideratë rolin e zyrtarëve të teknologjisë në komuna”, thekson ish drejtori i përgjithshëm i ASHI-së për portalin rtv21.tv
Sipas tij ata nuk kanë asnjë rritje të pagave përkundër përgjegjësive që ata kanë çdo ditë në vendet e punës.
“Ata nuk kanë rritje as edhe një cent dhe pagat e tyre mbeten po ato që kanë mbetur, në anën tjetër zyrtarët e komunave janë bartës së proceseve të rëndësishme, sidomos menaxhimin që ata bëjnë të infrastrukturës kompjuterike në nivel lokal, normalisht ajo që është më e rëndësishme ata administrojnë platformën e internetit të komunave dhe kjo nëse nuk kemi ekspertë të kualifikuar që kanë njohuri, që kanë bërë përgaditjet e duhura dhe kanë kapacitetet e mjaftueshme siç janë zyrtarët e IT-së, ata mund të heqin dorë nga një detyrë që mbajnë një koeficient realitivisht të ulët dhe që nuk janë përfshirë në grupin e ekspertëve.
Burimi: botasot.info
