Klopp flet për dy mbrojtësit e rinj të transferuar në janar: Ndoshta mund të luajnë nga fillimi

Liverpooli ka arritur t’i transferojë dy mbrojtës qendror në ditën e fundit të afatit kalimtar të janarit.

Ben Davis dhe Ozan Kabak u transferuan nga The Reds, dy qendërmbrojtës për ta mbuluar mungesën nga lëndimet e Virgil Van Dijk, Joel Matip e Joe Gomez.

Dy mbrojtësit e ri ende nuk kanë debutuar me Liverpoolin, por mund ta bëjnë një gjë të tillë në derbi ndaj Manchester Cityt.

E për këtë ka folur edhe trajneri gjerman Jurgen Klopp, i cili ka thënë se ende nuk e di nëse do t’i jap hapësira lojtarëve në fjalë.

“Nuk e di ende nëse do të luajnë. Në një situatë normale nuk do të ndodhte që transferimet të debutonin kaq shpejtë”.

“Davis dhe Kabak ishin së bashku në stërvitje, ata kanë parë edhe një video se si punojmë me qendërmbrotjësit”.

“Do të shohim, ndoshta edhe mund të debutojë ndonjëri”, ka deklaruar Klopp.

Liverpool dhe Manchester City përballen me njëra tjetrën të dielën me fillim nga ora 17:30.

Ngjarja paraprake

Manastiri i Deçanit rrezikon të shpallet në mesin e 7 vendeve më të rrezikuara të trashëgimisë në Evropë

Ngjarja e ardhëshme

Adnan Hyseni kërkon ndihmë financiare për shërimin e 16-vjeçarit nga Peja

të fundit nga

AlbanianEnglishMacedonian