Tre të rinj kanë rënë në prangat e policisë së Elbasanit, pasi u kapën me një sasi heroine dhe kokaine.
Burime zyrtare bënë me dije se bëhet fjalë për shtetasit me inicialet E. K., 36 vjeç, E. C., 26 vjeç dhe D. S., 26 vjeç, për veprën penale “Prodhimi dhe shitja e narkotikëve”.
Kjo pasi gjatë kontrollit të ushtruar në mjetin tip “Golf”, më të cilin po udhëtonin këta shtetas, u gjetën dhe u sekuestruan në cilësinë e provës materiale, doza me lëndë të dyshuar narkotike të llojit heroinë dhe kokainë.
Gjithashtu, gjatë kontrollit në banesën e shtetasit E. C., u gjet dhe u sekuestrua një sasi lënde e dyshuar narkotike kannabis sativa e ndarë në doza.
