​Këshilltari i Zelenskyt: Moska po përpiqet të blejë kohë duke folur për negociata

Këshilltari ekonomik i presidentit ukrainas, Alexander Rodnyansky, tha sot se pretendimi i liderit rus Vladimir Putin se Rusia është e gatshme për të negociuar është vetëm një mënyrë që Moska të blejë sa më shumë kohë dhe se nuk mund t’i besohet.

“Blickrig shkoi tmerrësisht keq për ta dhe ata e dinë këtë, kështu që u duhet më shumë kohë për të rigrupuar dhe rindërtuar trupat e tyre”, tha Rodnyansky për CNN.

Këshilltari i Zelenskyt tha se Kremlini po përpiqet të largojë botën nga dërgimi i ndihmës ushtarake shtesë në Ukrainë dhe se “ata nuk duhet të bien në atë kurth”.

Putin tha të dielën se Rusia është e gatshme të negociojë me të gjithë pjesëmarrësit në procesin në Ukrainë për rezultate të pranueshme, por se ata po refuzojnë të negociojnë.

Putin tha se Rusia gjithmonë u përpoq t’i zgjidhte të gjitha mosmarrëveshjet në mënyrë paqësore, përmes negociatave, por se pala tjetër kishte një qëndrim tjetër.

Burimi: GAZETA.MK

Story i mëparshëm

Wenger në stadium, rikthehet për Arsenalin pas 4 vitesh e gjysmë

Story i radhës

Izraeli arreston 22 palestinezë gjatë bastisjeve në Bregun Perëndimor

Të fundit nga

AlbanianMacedonianEnglish