Leona Lewis dhe bashkëshorti i saj Dennis Jauch do të bëhen prindër për herë të parë.
Lajmin e ëmbël ajo e bëri të ditur me anë të një postimi në faqen e saj të “Instagram”-it, duke i ‘çmendur’ fansat.
Në fillim të këtij muaji, u raportua se këngëtarja e “Bleeding Love” ishte shtatzënë, por këtë gjë ajo e konfirmoi vetëm sot.
Në foton që ajo shpërndau në rrjet, Leona shihet me një fustan të zi elegant, të prerë, duke buzëqeshur ndërsa tregon për herë të parë barkun e saj të rrumbullakosur.
Krahas fotos ajo shkruan:
“Mezi pres të të takoj në verë”
Ishte gazeta britanike “The Sun” që konfirmoi se Leona ishte në pritje të ëmbël tha se:
“Leona dhe Dennis mezi po mirëpresin ardhjen e tyre të re dhe të bëhen një familje prej tre anëtarësh.”
Ndjekësit e saj në “Instagram” nxituan menjëherë për ta uruar, duke përfshirë yje si Cynthia Erivo, kompozitorin Leland dhe këngëtarin Snoh Aalegra.
“Ohhhh urime të dashur!!!” komentoi një fans, ndërsa një tjetër shkroi: “O Zot urime ty dhe Dennis. Do të jeni prindër të mrekullueshëm.“
Fituesja e “X Factor” u martua me koreografin Dennis në një ceremoni luksoze në Toskana të Italisë, në vitin 2019 pas 10 vitesh lidhje.
