Ishte blerë 80 milionë euro – luan pak dhe mendon largimin nga Arsenali

Nicolas Pepe është nënshkrimi më i shtrenjtë në histori të Arsenalit, por minutat për të kanë qenë të pakët këtë sezon dhe largimi në janar mund të jetë një opsion.

Mikel Arteta ka kohë që nuk i shikon shifrat se sa janë blerë lojtarët, por vetëm atë që japin në fushë.

Arteta njëjtë ka vepruar edhe me Mesut Ozilin, duke mos e tubuar fare për këtë sezon në Ligën Premier.

Pepe ka bërë vetëm 12 paraqitje në të gjitha garat për Arsenalin këtë sezon. Ai ka treguar paraqitje të mira sa herë që ka luajtur dhe ka gjetur golin në tre raste.

Në javët e fundit Pepe ka qenë në qendër të vëmendjes, pasi shumë ekspertë kanë thënë që lojtari duhet të gjejë një zgjidhje.

Gjatë një interviste, edhe vet lojtari i lindur në Francë, por që luan për Bregun e Fildishtë, u shpreh se qëndrim në stol është shumë frustrues dhe se ai ka harruar të buzëqeshë.

Pepe deklaroi se ai dëshiron të luajë dhe të japë maksimumin për skuadrën, ndërsa shtoi se kjo situatë që po kalon nuk është aspak e këndshme për të, pasi dëshiron të jetë protagonist në fushë.

Ndërkohë në Londër mediat raportojnë se drejtuesit e Arsenalit po marrin në konsideratë huazimin e tij në janar, ose shitjen përfundimtare nëse ka ndonjë ofertë bindëse.

Nicolas Pepe ka kaluar te Arsenali më 1 gusht të 2019 nga Lille për 79 milionë euro. 

Ngjarja paraprake

Si u hoq Mitrovica nga zona e kuqe? Shpend Ahmeti s’i ndal reagimet

Ngjarja e ardhëshme

Teuta Arifi edhe një mandat për Tetovën? (FOTO)

të fundit nga

AlbanianEnglishMacedonian