Ish-muxhahedini akuzohet për terrorizëm/ SPAK: Bashkëpunoi me spiunazhin iranian

Struktura e Posaçme Antikorrupsion ka akuzuar iranianin Bijan Poolagrad si pjesë e një celule terrorist, e cila po planifikonte të kryente sulme ndaj funksionarëve të lartë të opozitës iraniane, të cilët strehohen në kampin Ashfraf 3 në Manëz të Durrësit.

Ish-banori i kampit të muxhahedinëve doli këtë të hënë para Gjykatës së Posaçme, ku pritet të nisë procesi gjyqësor ndaj tij, për disa akuza, si “kryerjes e shërbimeve dhe veprimeve me persona të shpallur në grata”, “organizata terroriste”, apo “përgjimi i paligjshëm i të dhënave kompjuterike”.

I pandehuri dyshohet se bashkëpunonte në punonjës të shërbimeve sekrete iraniane të njohur si Garda Revolucionare dhe merrte pagesa prej tyre, transmeton News 24.

Në shkëmbim, ish-anëtari i grupimit muxhahedin kishte detyrë të fotografonte anëtarët e MEK dhe të evidentonte vendet që ata frekuentonin.

Porositë dhe udhëzimet ai i merrte përmes aplikacionit Telegram dhe sipas hetimit po planifikohej vrasja e një figure të lartë të MEK.

Referuar dosjes hetimore rezulton se një anëtar i inteligjencës iraniane e udhëzonte të pandehurin të siguronte një armë kallashnikov në tregun e zi dhe të gjente persona të trajnuar që mund të kryenin vrasje.

Hetimet për të pandehurin nisën fillimisht në Prokurorinë e Tiranës, referimit nga drejtoria e antiterrorist, që kishte siguruar kallëzimin e një vajze që pretendonte se Poolagrad, me të cilin kishte ndarë të njëjtën banesë për disa kohë, kishte përdorur telefonin e saj celular.

Hetuesit zbuluan se i pandehuri kishte dërguar në adresë të disa personave nga Irani, të shpallur më vonë “nën grata” në vendin tonë, fotografi të kampit të muxhahedinëve në Manzë.

GAZETA.MK

Story i mëparshëm

Asnjë humbje jete nga COVID-19 në Kosovë, ja sa ishte numri i të infektuarve gjatë 24 orëve të fundit

Story i radhës

Dhjetë hapa që ndërmori qeveria aktuale për të shpopulluar Shqipërinë

Të fundit nga

AlbanianMacedonianEnglish