Apple konfirmoi lançimin e iOS 15.4 javën e ardhshme. Një funksionalitet i veçantë që do të mbërrijë në iPhone në ditët në vijim është qasje në Face ID duke mbajtur një maskë.
Kështu përdoruesit nuk kanë nevojë për Apple Watch për tu kyçur në telefon. Ky funksionalitet është testuar në disa versione beta që prej Janarit.
Por duhet ta aktivizoni manualisht duke shkuar në Face ID & Passcode në Settings. Megjithatë nuk funksionon ende me syze.
Funksione të tjera që do të vinë në iOS 15.4 janë paralajmërime për AirTags, zë i ri për Siri, mbështetje për kontrolle PS5 DualSense.
macOS Monterey 12.3 dhe iPadOS 15.4 do të debutojnë javën e ardhshme. /PCWorld Albanian
