Interi raportohet se është i gatshëm ta shesë Lautaro Martinezin në afatin kalimtar të kësaj vere.
Nerazzurët kanë vazhduar kontratat e disa lojtarëve, duke rrezikuar kështu pragun e shpenzimeve, por kjo mund të ulet nëse shesin në afatin e verës.
Sipas asaj që raporton Calciomercato, Lautaro do të jetë lojtari i parë në listën e largimeve nga kampioni i Serie A-së.
Klubi italian tashmë i ka caktuar çmimin lojtarit dhe sipas mediumit – klubi që i do shërbimet e tij duhet të paguajë 68 milionë euro.
Arsenali dhe Atletico Madridit thuhet se kanë shfaqur interesim direkt, por që për të në garë mund të futen edhe Barcelona e Bayern Munichu.
Interi është i hapur për ofertat e larta dhe nuk do të pranojë shitjen e tij nën këtë shumë të caktuar.
