India hap rrugën për shitjen e tokës shtetasve jorezidentë në Xhamu Kashmir

India bëri ndryshime ligjore që lejon shtetasit indian jorezidentë të rajonit Xhamu dhe Kashmir të mund të blejnë toka në rajonin në fjalë, transmeton Anadolu Agency (AA).

Ministria e Brendshme njoftoi se me ndryshimet ligjore të bëra dje, shtetasit që jetojnë jashtë Xhamu Kashmirit do të mund të blejnë toka në rajon.

Deri më 5 gusht 2019, kur iu hoq statusi i veçantë i Xhamu Kashmirit, në rajon nuk lejohej shitja e tokave për të huaj, ndërsa vendimi i ri u njoftua në përvjetorin e 73-të kur forcat indiane më 27 tetor 1947 erdhën në tokat e Kashmirit.

Ndryshimet ligjore hasën reagime të gjëra. Ish-kryeministri i Xhamu Kashmirit, Omar Abdullah, duke theksuar se zhvillimet janë të papranueshme, tha se prej tani e tutje tokat nën okupim janë në shitje,

Heqja e statusit të veçantë të rajonit u interpretua se do të hapë rrugën e ndryshimit demografik në Xhamu dhe Kashmir me shumicë muslimane.

Heqja e statusit të veçantë të Xhamu Kashmirit

India më 5 gusht të vitit të kaluar duke anuluar nenin 370 kushtetues që i njeh Kashmirit statusin e veçantë për më shumë se gjysmë shekulli, eliminoi strukturën me status të veçantë të rajonit dhe e ndau Xhamu dhe Kashmirin në territorin e dy njësive.

Pas vendimit, forcat indiane të sigurisë në Xhamu Kashmir intensifikuan operacionet e rendit dhe presionet mbi popullatën, ndërprenë linjat e komunikimit si dhe arrestuan drejtuesit dhe anëtarët e të gjitha partive lokale në rajon.

Që nga viti 1947, kur India fitoi pavarësinë nga Britania e Madhe, Xhamu Kashmiri ishte në një pozitë të privilegjuar të miratonte ligjet e veta. Ky status i veçantë përfshinte edhe ligjin e shtetësisë, i cili nuk lejonte që të huajt të vendoseshin dhe të përfitonin pronë në rajon.



. .

Ngjarja paraprake

Mungesë dramatike infermierësh në Gjermani

Ngjarja e ardhëshme

Pejë: Inspektorët shkuan për të kryer punën e tyre në një barnatore, por dolën të ofenduar e kërcënuar

të fundit nga