“In the Morning” kënga e re nga Jennifer Lopez

Jennifer Lopez nuk po i lejon masat e rrepta të sigurisë shkaku i pandemisë së koronavirusit, që ta ndalojnë ta festojë lansimin e këngës së saj të re, me gjithë adhuruesit online.

Pop ylli i njohur u shoqërua nga binjakët e saj, Emme dhe Max, i fejuari Alex Rodriguez dhe vajzat e tij, Natasha dhe Ella, në një transmetim live ku familja e bukur shihet duke vallëzuar e kënduar, në momëntin e saktë të lansimit të këngës “In the Morning” në platformën YouTube.

“Më shoqëroni për një ndejë virtuale të vallëzimit në Instagram, sonte nga ora 23:45! Po e festojmë premierën botërore të këngës sime #InTheMorning.

Do të ketë edhe befasi për të gjithë ju, prandaj silleni tërë familjen”, kishte shkruar Lopez në postimin e saj në Twitter.

Dhe sikurse të gjithë ne, JLo dhe familja e saj e kanë kaluar kohën më të madhe të karantinës, duke i perfeksionuar lëvizjet e tyre të vallëzimit të cilat më pas i kanë postuar në rrjetet sociale.

Kënga “In the Morning” vjen në versionin audio, por besohet se një videoklip do t’i realizohet së shpejti. Ky projekt ishte paralajmëruar nga Lopez para pesë ditësh, me postimin e një videoje në Instagram ku përfshiheshin fotografi nudo të këngëtares, të realizuar me shumë shije dhe elegancë nga fotografi, Mert Alas. Vlen të përmendet se këngëtarja 51-vjeçare duket e mrekullueshme dhe në top formë, në fotosesionin e fundit.

Së fundmi, Lopez për revistën “People” ka treguar se si po qëndron në formë gjatë kësaj kohë që po qëndron e mbyllur në shtëpi, shkaku i pandemisë.

“Nuk po provojmë ta teprojmë me ëmbëlsira apo ushqime të njelmëta, po ashtu kemi kujdes në sasinë e karbohidrateve që i konsumojmë. Thjeshtë provojmë të gjejmë balance në gjërat që i hamë, por në të njëjtën kohë e ndjekë rregullisht programin tim të ushtrimeve fizike”, kishte deklaruar Lopez.

Ngjarja paraprake

“Rindërtimi”/ PD akuza qeverisë: Qytetarët do hyjnë në shtëpi në korrik të 2022

Ngjarja e ardhëshme

Asnjë ankesë në PZAP për zgjedhjet në Podujevë dhe Mitrovicë të Veriut

të fundit nga

AlbanianEnglishMacedonian