Hoti në Graçanicë: Kemi dëshmuar model të mirë të qeverisjes

Kandidati për kryeministër, Avdullah Hoti, ka takuar strukturat e degës së Lidhjes Demokratike të Kosovës në Graçanicë.

Hoti pasi që i falënderoi kryesinë, anëtarët dhe simpatizantët për mobilizimin e fitores së LDK-së, foli për qeverisjen e tij të deritanishme.

“Kemi dëshmuar model të mirë të qeverisjes”.

“Pandemia, përpos sfidave shëndetësore ka sjellë edhe probleme të shumta ekonomike. Por ne që nga dita e parë jemi mobilizuar për t’u dal në ndihmë përmes pakos ekonomike dhe ligjit për rimëkëmbje. Lidhja Demokratike e Kosovës është më e fortë se kurrë dhe do t’i demantojmë këto sondazhe që kanë për qëllim dëmtimin e LDK-së”.

“Jam i bindur për fitore sepse në të gjitha takimet nëpër degë, kam parë entuziazëm dhe energji të jashtëzakonshme që në fund do të kthehet në fitore. Kemi qenë në të gjitha proceset e rëndësishme të shtetit dhe tani do ta mbrojmë sepse shteti është shtet”.

Ai theksoi se, Graçanica dhe të gjithë qytetarët e Kosovës, do të përfitojnë nga programi qeverisës i Lidhjes Demokratike të Kosovës, sepse është program përmbajtjesor që synon kthimin e normalitetit në çdo sferë të jetës.

Dega në Graçanicë dhe Hoti nderuan me një minutë heshtje kontributin e kryetarit tanimë të ndjerë të LDK-së, në Graçanicë, Imri Ajeti dhe i dhuruan familjes mirënjohje për angazhimin e tij.

Ngjarja paraprake

Aventura në veri – rreziku që po na pret gjithkund në Kosovë

Ngjarja e ardhëshme

Sa keq ju bën për lëkurën, ilaçi i enëve? Zbuloni të mirat dhe të këqijat e tij

të fundit nga

AlbanianEnglishMacedonian