Hapet panairi në sheshin “Zahir Pajaziti”, ekspozohen produktet e bizneseve të udhëhequra nga gratë

Me rastin e shënimit të Ditës së Gruas në Kosovë, EcoKos Women ka organizuar panairin për gratë e viseve rurale të Kosovës të angazhuara në aktivitete bujqësore dhe përpunim të ushqimit. Në panair janë ekspozuar 12 agrobiznese të drejtuara nga gratë.

Blerim Hasani sekretar i Ministrisë së Bujqësisë, Pylltarisë dhe Zhvillimit Rural, tha se kanë miratuar ligjin që u kanë dhënë bizneseve prioritet.

Kemi rritje të shumave të subvencionimit. Zhvillimeve te agrobiznesit ju kemi kushtuar rëndësisë së veçantë. Do përkushtohemi t’i përkrahim projekte të vogla të agrobiznesit. Ftojmë gratë të marrin pjesë në këto agrobiznese. Jeni të hapur dhe të përkushtuar të përkrahim të gjitha projektet që gratë të jenë të avancuara”, tha ai.

Sandra Horina, shefe e Zyrës Koordinuese të Bashkëpunimit Austriak për Zhvillim në Prishtinë, tha se kanë mbështetur vazhdimisht bizneset dhe gratë.

Ne i mbështesim ato në procedimin e ushqimeve në shtëpi, aspektin e mjedrave. Ju mund t’i gjeni këtu gratë që janë pionere në aspektin e bujqësisë. Mesazhi im është për to se ato e kanë kthyer pasionin e tyre në biznes dhe produktet e tyre duhet të blihen. Jo vetëm që janë me cilësi të lartë por edhe iu ndihmon grave”, tha ajo.

GAZETA.MK

Story i mëparshëm

Google blen kompaninë e sigurisë kibernetike për 5.4 miliardë dollarë

Story i radhës

Momenti kur forcat paqeruajtëse ukrainase largohen nga Kosova (VIDEO)

Të fundit nga

AlbanianMacedonianEnglish