Trajneri i Barcelonës, Hansi Flick, raportohet se dëshiron t’i ofrojë Frenkie De Jong një kontratë të re pasi holandezi u lidh vazhdimisht me një largim të mundshëm.
Sipas një raportimi nga mediumi katalanas Sport, Flick shpreson se Barcelona do ta bind mesfushorin ta rinovojë kontratën e tij e cila skadon në verën e vitit 2026.
Raportimi shton se Barcelona i ofroi holandezit një marrëveshje të re edhe vitin e kaluar, por palët nuk gjetën gjuhën e përbashkët.
Sport nënvizon tutje se Flick e sheh De Jong si një lojtar të rëndësishëm tek Barcelona dhe se ai mund ta zë vendin e Marc Casados në formacion së shpejti.
Problemi kryesor në negociata mbetet paga e lojtarit, veçanërisht duke marrë parasysh gjendjen e rënduar financiare të Brcelonës.
Burimi: botasot.info
