Grubi priti në takim kryetarin e Komunës së Bujanocit,Nagip Arifin

Zëvendëskryeministri i parë dhe ministër për Sistem Politik dhe

Marrëdhënie ndërmjet Bashkësive, z.Artan Grubi sot në kabinetin e tij ka

takuar kryetarin e komunës së Bujanocit, z.Nagip Arifi.

Të dy bashkëbiseduesit, z.Grubi dhe z.Arifi gjatë këtij takimi kanë

diskutuar për situatën politike në Republikën e Maqedonisë së Veriut dhe

Republikën e Serbisë, përkatësisht në Luginën e Preshevës si edhe për

ngjarjet tjera të rëndësishme në rajon.

Grubi dhe Arifi gjithashtu kanë këmbyer mendime edhe rreth mundësive të

bashkëpunimit që Maqedonia e Veriut mund të ofrojë për qytetarët e

Luginës.

Zëvendëskryeministri i parë Grubi dhe kryetari i Bujanocit Arifi

diskutuan edhe për Marrëveshjen e Ohrit si model i suksesshëm për

kohezion shoqëror dhe barazi qytetare si dhe për procesin e regjistrimit

në të dy vendet tona.

z.Grubi gjithashtu e ka informuar kryetarin e komunës së Bujanocit,

z.Arifi se Maqedonia e Veriut, tashmë vend anëtar i NATO-së, së shpejti

pritet të fillojë negociatat për anëtarësim në Bashkimin Evropian dhe me

këtë rast ka inkurajuar dhe z.Arifi që përmes ndikimit të faktorit

politik shqiptar të kontribuojnë që edhe Serbia sa më shpejtë të kyçet

në këtë rrugë.

Grubi ka uruar për unifikimin e faktorit shqiptar dhe marrjes se 3

mandateve në zgjedhjet e fundit parlamentare.

Ngjarja paraprake

Maqedoni-Bullgari, mblidhet Komisioni në përpjekje për kapërcimin e dallimeve

Ngjarja e ardhëshme

Maqedonia e Veriut dhe Shqipëria të gatshëm për lidhje hekurudhore përmes Korridorit 8

të fundit nga

AlbanianEnglishMacedonian