Greqia mbyll kufirin me Kapshticën, Ministria e Jashtme shqiptare tregon çfarë do të ndodhë me Kakavijën

Pas lajmit se qeveria greke po vlerësonte shtrëngimin e masave në kufi, për shkak të rritjes së madhe të numrit të rasteve të të infektuarve, Ministria e Jashtme shqiptare ka njoftuar planin e masave të palës greke.

Kështu, duke filluar nga dita e nesërme, datë 20 nëntor 2020, ora 06:00 e mëngjesit, mbyllet pika kufitare në Kapshticë, ndërsa mbetet e hapur ajo në Kakavijë.

Në lidhje me kufijtë e tjerë veriorë të vendit, do të mbeten të hapura pikat kufitare në Evzonoi dhe Promachona, ndërsa në Nimfea do të hyjnë vetëm kamionat.

Po ashtu krahas testit PCR që qytetarët shqiptarë që hyjnë në Greqi duhet të disponojnë, nga ana e autoriteteve greke do të kryhet edhe një rapid test. Më pas personat që rezultojnë negativë, mund të hyjnë në vend dhe të shkojnë në destinacionin e tyre, në bazë të dokumentit PLF që do dorëzojnë.

Njoftimi i plotë

Ministria për Evropën dhe Punët e Jashtme bën me dije se Qeveria greke ka njoftuar në lidhje me kufizimet e hyrjes në rrugë tokësore të udhëtarëve drejt Greqisë, përfshirë pikat kufitare me Shqipërinë. Lajmi është bërë i ditur nga Zëdhënësit Qeveritar, Stelios Petsas.

Konkretisht, duke filluar nga dita e nesërme, datë 20 nëntor 2020, ora 06:00 e mëngjesit, mbyllet pika kufitare në Kapshticë, ndërsa mbetet e hapur ajo në Kakavi. Në lidhje me kufijtë e tjerë veriorë të vendit, do të mbeten të hapura pikat kufitare në Evzonoi dhe Promachona, ndërsa në Nimfea do të hyjnë vetëm kamionat.

Më tej, qytetarët që hyjnë në Greqi, përveç paraqitjes së testit negativ PCR të kryer deri në 72 orë më parë, do të kryejnë edhe rapid test nga Njësi të Sekretariatit të Përgjithshëm të Mbrojtjes Civile dhe Organizatës Kombëtare të Shëndetit Publik të Greqisë. Personat që rezultojnë negativë, mund të hyjnë në vend dhe të shkojnë në destinacionin e tyre, në bazë të dokumentit PLF që do dorëzojnë.

Ky vendim vlen vetëm për kufijtë tokësorë, të lartpërmendur, ndërkohë që kufijtë ajrore mbeten të hapur.

Ministria për Evropën dhe Punët e Jashtme

Drejtoria e Diplomacisë Publike dhe Diasporës

Ngjarja paraprake

Mjeku 28-vjeçar amerikan kaloi nga maratona e vrapimit në pamundësi për të marrë frymë shkaku COVID-19

Ngjarja e ardhëshme

Pasi vdes, një person në Malishevë konfirmohet se ishte me Covid

të fundit nga

AlbanianEnglishMacedonian