Google lançoi së fundi një tab të ri në PlayStore quajtur Offers dhe të paraqet oferta aplikacionesh, lojërash, filmash, librash dhe blerjesh të tjera.
Tabi i ri shfaqet në fund të ekranit të Play Store së bashku me tabet e aplikacioneve, lojërave, filmave dhe librave dhe është i ndarë nga seksioni “Offers and Notifications.”
Vetë Google tha se Offers është një tab i ri që ndihmon përdoruesit të zbulojnë ofertat më të fundit në lojëra dhe aplikacione.
Kur e aksesoni shfaqen disa karuselë me aplikacione e lojëra. Në të kaluarën Google ka pasur një aplikacion të tillë quajtur Offers ku përdoruesit mund të gjenin ofertat bazuar në vendndodhjen e tyre por që daton nga 2011 kur Google Play quhej Android Market. /PCWorld Albanian
