“Goditni më shumë. Goditni fort. Goditni tani”, thirrje për sanksione më të ashpra ndaj Rusisë

Ministri i Jashtëm i Ukrainës, Dmytro Kuleba, i ka bërë thirrje Perëndimit të ashpërsojë sanksionet kundër Rusisë, transmeton Reporteri.net.

Dje, SHBA-ja dhe Britania e Madhe njoftuan për sanksionet e para kundër Rusisë.

“Hapat vendimtarë u ndërmorën dje dhe u jemi shumë mirënjohës. Tani presioni duhet të rritet për të parandaluar Putinin. Goditi ekonominë e tij dhe miqtë e tij. Goditni më shumë. Goditni fort. Goditni tani”, ka shkruan Kuleba në Twitter.
 

 
Presidenti i Shteteve të Bashkuara, Joe Biden, shpalli një varg sanksionesh kundër Rusisë, një ditë pasi presidenti i këtij vendi, Vladimir Putin, mori vendim për t’i njohur rajonet separatiste të Ukrainës, Donjeck dhe Luhansk, si shtete të pavarura dhe urdhëroi dërgimin e trupave atje.

”SHBA-ja beson se Rusia është agresor i qartë në tensionet me Ukrainën”, tha Biden në një fjalim nga Shtëpia e Bardhë.

Më herët, edhe shtetet anëtare të Bashkimit Evropian miratuan vendosjen e sanksioneve ndaj disa zyrtarëve rusë, për shkak të ndërhyrjeve në Ukrainë.

Shefi i diplomacisë së BE-së, Josep Borrell, tha se pakoja e sanksioneve “do ta dëmtojë Rusinë dhe do ta dëmtojë shumë”.

GAZETA.MK

Story i mëparshëm

5 mite rreth punonjësve më të moshuar

Story i radhës

Basha prezanton Luan Hakën: Dibranët nuk bien pre e sajesave dhe marifeteve të reja

Të fundit nga

AlbanianMacedonianEnglish