gjkko denon me 25 vite burg blendi teten per vrasjen e santiago malkos 61f1582e319df

GJKKO dënon me 25 vite burg Blendi Tetën për vrasjen e Santiago Malkos

January 26, 2022
1 minut lexim

Teta u gjet fajtor nga trupa gjykuese si pjesëmarrës në ekzekutimin e Malkos mbrëmjen e 28 gushtit në rrugën “Xhanfize Keko” në Tiranë.

Me vendimin e dhënë, trupa gjykuese ka pranuar si të arsyeshme provat e paraqitura nga Prokuroria e Posaçme, e cila këmbënguli në akuzën ndaj Tetës. Prokuorët vërtetuan se Teta kishte patur rol në mbajtjen nën vëzhgim të Santiago Malkos me qëllim që të gjendej një moment i përshtatshëm për ta qëlluar.

Fillimisht Blendi Teta u hetua për “moskallëzim krimi“, por pas hetimeve të metejshme të kryera nga prokuroria rezultoi se ai ishte në dijeni dhe pjesë e planit për vrasjen e tij.

Malko lëvizi pasditen e atentatit nga spitali i pediatrisë drejt rrugës Xhanfizë Keko, pasi atje kishte djalin të sëmurë dhe sipas prokurorisë, ka qenë pikërisht Blendi Teta me makinën e tij që ka ndjekur objektivin nga spitali drejt vendit ku u krye dhe atentati.

Teta është i vetmi i dënuar për këtë vrasje deri më tani, ndërsa prokuroria ka shpallur në kërkim një numër të madh personash, pjestarë të klanit Duka në Tiranë, të cilët dyshohet se organizuan dhe ekzekutuan planin për vrasjen e Santiago Malkos.

GAZETA.MK

MARKETING

MARKETING

RENT A CAR

MARKETING

perini ka rezultuar pozitiv me covid 19 61f15824631c6
Story i mëparshëm

Perini ka rezultuar pozitiv me COVID-19

deshmitari para gjykates thote se nuk e dinte qe ne qesen qe mbante kishte heroine 61f1582f92989
Story i radhës

Dëshmitari para gjykatës thotë se nuk e dinte që në qesën që mbante kishte heroinë

Të fundit nga

ShkoLartë