Gjimnazistët, 3 partnerë deri në moshën 18-vjeçare

Më shumë, më mirë! Kjo duket se është motoja e meshkujve gjimnazistë për sa i përket marrëdhënieve me femrat. Sipas raportit të një studimi të kryer nga Organizata Botërore e Shëndetësisë,  30 për qind e të rinjve në vendin tonë kanë kryer marrëdhënie seksuale para moshës 16-vjeçare. Në këtë studim u përfshinë 1437 studentë të moshës 21.2 vjeç deri 23 vjeç, ndërsa u pyetën për përvojat e tyre jetësore deri në moshën 18-vjeçare. Meshkujt janë ata që e nisin më herët jetën e tyre seksuale, me 44.8 për qind të të intervistuarve, ndërkohë që vajzat që kanë kryer marrëdhënie para ose deri në 16 vjeç janë 31 për qind. Gjithashtu, rezulton se prevalenca e marrëdhënieve seksuale ka qenë dukshëm më e lartë tek meshkujt në krahasim me femrat, konkretisht 74.2 për qind  për djemtë dhe 43.5 për qind për vajzat. Studimi i OBSH-së nxjerr shifra edhe në lidhje me numrin e partnerëve që kanë pasur të rinjtë deri në moshën 18 vjeç.

Nga të dhënat rezulton se mesatarisht një i ri në vendin tonë, derisa mbush moshën e pjekurisë kryen marrëdhënie me rreth 3 partnerë të ndryshëm seksualë, 2.95 te meshkujt dhe 2.92 te femrat. Studimi jep edhe detaje në lidhje me vendlindjen e adoleshentëve që kanë kryer marrëdhënie seksuale deri në moshën 18-vjeçare, si dhe me rezidencën e tyre. Kështu, 14.6 për qind e tyre kanë lindur në fshat, ndërkohë që 85.4 për qind e tyre në qytet.

Shqipëria është shoqëri patriarkale ku janë meshkujt ata që përzgjedhin dhe vendosin çfarë duhet të kenë. Adoleshentët janë në fazën e eksplorimit, eksperimentimit, dhe në bisedat që bëjmë lidhur me seksualitetin ende e kanë tabu të flasin. Gjatë seminareve që kryejmë në shkollë kemi diskutuar lidhur me faktin e të pasurit më shumë se një lidhje në të njëjtën kohë dhe ka gjithmonë konfrontime midis vajzave dhe djemve për atë që ata mendojnë për këtë çështje.

Përgjithësisht, meshkujt kanë më shumë dëshirë të eksperimentojnë pasi gjatë lidhjes ata arrijnë ta njohin më shumë veten e tyre. Nëpërmjet lidhjes ata arrijnë të kuptojnë se si janë në raport me tjetrin, se çfarë kërkojnë më shuëm si nga ana psikologjike por edhe ajo seksuale. Në Shqipëri, por edhe në shumë vende të botës mendoj ekziston ajo egoja e meshkujve për të pasur më shumë se një të dashur, për të qenë “i pari”.

Te femrat është krejt ndryshe. Ato e idealizojnë partnerin dhe dëshirojnë që marrëdhënien e parë ta kryejnë me një djalë që vërtet t’u pëlqejë. Meshkujt mendojnë që sa më shumë të dashura të kenë, aq më të pëlqyeshëm do të jenë nga pjesa tjetër.

Cila është arsyeja, sipas jush, që meshkujt kanë dëshirë të kenë më shumë se një të dashur?

Mendoj se është një çështje kulturale. I takon kulturës shqiptare dhe ambienti ku ne jetojmë. Momentin kur ne nuk jemi shumë të lirshëm që të bëjmë atë që duam, fillojmë dhe futemi në disa procese, pra krijojmë marrëdhënie me dy ose më shumë persona. Kjo për sa i përket aspektit social. Për sa i përket aspektit psikologjik mund të ketë ndikim edhe vetëvlerësimi që kanë meshkujt për veten. A ndjehet ai rehat me veten dhe partnerin që ka, pasi ka shumë meshkuj që e kërkojnë dashurinë e vërtetë që në moshë të hershme. Ka djem që janë vetëm 17 apo 18 vjeç dhe tashmë kanë disa vite me të njëjtën partnere. Kjo është edhe paksa individuale. Ndikon mënyra se si janë rritur dhe se si e konceptojnë të pasurit e një marrëdhënieje.

Gjatë seancave që bëni për të folur mbi seksualitetin, sa të vështirë e kanë që të diskutojnë meshkujt dhe sa femrat?

Në përgjithësi meshkujt janë ata që e marrin pak më shumë guximin për të folur. Më pas fillojnë edhe diskutimet midis tyre dhe përballja e mendimeve. Nga ndrojtja shpesh e nisin frazën “një shoku im…” apo “një shoqja ime …”, ndërkohë që po flasin për veten e tyre. Ende e kanë të vështirë që të flasin lirshëm për tema që kanë të bëjnë me marrëdhëniet apo seksin. Krahasuar me vite më parë flasin më lirshëm, por jo se e kanë të lehtë për të folur. Për shembull, një prej nxënësve më tha  para dy javësh që isht në siklet me temën që unë po zhvilloja. Kur e pyeta pse, më tha që nuk kishte diskutuar më parë për të tilla gjëra, as në familje apo në shoqëri.

Mendoj që përpara se të nisin një marrëdhënie, meshkujt duhet ta njohin botën femërore dhe femrat botën mashkullore. Shpesh dëgjoj pyetjen “kur mendoni se është mosha ideale për të pasur një lidhje?”. Unë me të qeshur e konsideroj pyetje një milion dollarëshe. Nuk mendoj se ka një moshë të përcaktuar për të krijuar një lidhje.

Ngjarja paraprake

Është konstatuar shkencërisht! Mësoni mënyrën se si të liroheni nga stresi dhe ankthi

Ngjarja e ardhëshme

Calabria dëshiron të vazhdojë me Milanin me të njëjtat kushte

të fundit nga

AlbanianEnglishMacedonian