Të paktën shtatë persona, përfshirë të dyshuarin, u vranë në një sulm të armatosur në një kishë të Dëshmitarëve të Jehovait në qytetin e Hamburgut në Gjermani, njoftoi media lokale, transmeton Anadolu.
Policia tha në Twitter se të shtënat ndodhën në një kishë në lagjen Gross Borstel, ku disa njerëz u vranë dhe një numër të tjerësh u plagosën.
“Gjetëm një person të pajetë në qendrën komunitare në Gross Borstel, i cili supozojmë se mund të ishte autor. Për të përjashtuar përfshirjen e autorëve të tjerë, po kryejmë kontrolle dhe kërkime të gjera”, tha policia.
Sipas të përditshmes Bild, personi i armatosur vrau të paktën gjashtë persona dhe plagosi tetë të tjerë në qendrën e Dëshmitarëve të Jehovait.
Autoritetet nuk kanë treguar ndonjë motiv për sulmin, por thanë se hetimet po zhvillohen me shpejtësi të plotë.
