Gjendje e rëndë në Zvicër, mbushen të gjithë shtretërit e kujdesit intensiv

900 shtretër të kujdesit intensiv të certifikuar janë praktikisht të gjithë të zënë, ka thënë Stettbacher ndërsa 242 shtretër rezervë janë ende të lirë.

Në më shumë se një të tretën e kantoneve, njësitë e kujdesit intensiv janë në kufijtë e kapaciteteve të tyre, shkruan srf.ch. Kështu ka deklaruar Andreas Stettbacher, delegat i Këshillit Federal për shërbimin e koordinuar mjekësor (KSD), të martën në shtëpinë federale të mediave në Bernë.

900 shtretër të kujdesit intensiv të certifikuar janë praktikisht të gjithë të zënë, ka thënë Stettbacher. Ndërkaq 242 shtretër rezervë janë ende të lirë. “Këta shtretër rezervë mund të përdoren – dhe kjo rezervë, në rast nevoje, mund të zgjerohet përsëri në 1.400 shtretër.”

Rreth 60 për qind e pacientëve në njësitë e kujdesit intensiv janë pacientë me Covid 19. Dërgimi i pacientëve në njësitë e kujdesit intensiv është ende në rritje. Pacientët nga rajonet më të prekura po transferohen gjithnjë e më shumë në rajone të tjera, përcjell albinfo.ch. Por, me rënien e numrit të rasteve, që është konstatuar ditëve të fundit, numri i shtrimeve në spital pritet do të ulet brenda rreth dy javëve që vijnë.

“Shërbimi i koordinuar mjekësor, shoqata e spitaleve H +, konferenca e drejtorëve shëndetësorë dhe Shoqata Zvicerane për Mjekësinë e Kujdesit Intensiv përsëri u bëjnë thirrje kantoneve për të lëvizur pacientët në njësitë e kujdesit intensiv kur kapaciteti është mbi 80 për qind” u shpreh Stettbacher. Po ashtu, heqja dorë nga operimet jo urgjente mund të shtohet apaciteti i shtretërve

Ngjarja paraprake

Refik, të dua shumë babi, letra emocionuese...

Ngjarja e ardhëshme

Nëntë të vdekur dhe 711 raste të reja me coronavirus në Shqipëri

të fundit nga

AlbanianEnglishMacedonian